خوف زادہ - بھوک

 

بھوک ! 

خوف زادہ ہوں میں

تیری امید سے کچھ زیادہ ہوں میں 


تیرے جوتوں کے نیچے بچھے تخت کو 

تیرا تختہ بنا کر کسی نہر میں نہ بہا دوں تو کہنا 

کہ میں ، میں نہیں 

بادشاہا ! 

ترے سر پہ رکھا ہوا تاج ! 

نالے میں بہتا نظر آے گا 


ڈر مری بھوک سے 

بھوک بڑھنے لگی گر تو سُن تاجور ! 

میں تری اکڑی گردن پہ رکھے ہوئے 

سُرخ تربوز کو 

پھوڑ کر خون کا جوس پی جاوں گا 


فاقہ کش ہوں مگر 

بھوک بڑھتی رہی تو تری ہڈیاں تک چبا جاوں گا 

تجھ کو کھا جاوں گا 


                                 

خوف زادہ ہوں میں 

تیری امید سے کچھ زیادہ ہوں میں 


میں کہ نسلوں کی اینزائٹی کا ثمر 

میں کہ پُرکھوں کے مادہِ تولید کے بانجھ پن کا اثر 

              (بانجھ پن خوف ہے )

اور میں بھی اسی بانجھ دھرتی کا پُرخوف بیٹا ہوں جو 

پہلے شاداب تھی 

کتنی زرخیز تھی 

تُو نے بنجر کیا 

تُونے اس کی بھری  چھاتیوں اور دودھوں کا سودا کیا 

تُونے سرسبز فصلوں کا سونا میاں ! 

اونے پونے میں غیروں کو بیچا کیا 

یہ نمک یہ کوئلہ ،  پہاڑ اور مٹی 

یہ دریا سمندر یہ سب پانیوں کے سنہرے جزیرے 

یہ صحرا یہ ریتوں کے مجذوب ٹیلے  !

یہ جنگل یہ بیلے  

ترے  باپ کے تھے؟ 

جو سب بیچ کھائے ؟ 


——


ماوزے تُنگ نہ لینن نہ میں چی گویرا 

مرے آئینے میں مسلسل اندھیرا 


اندھیرا !  جسے خوف کہتے ہیں سب 

“ ہے سہولت مری “ ! 

ذات کی اک اندھیری گپھاہ میں چھپا خوف زادہ ہوں میں 

تیری امید سے کچھ زیادہ ہوں میں

ڈر مری بھوک سے !

ڈر مرے خوف سے ! 


              اور اُس دن سے جب 

              اپنی ہی بھوک سے 

              اپنے ہی خوف سے 

ڈر کے بھاگے کوئی اور اندھیری گپھاہ سے نمودار ہو 

اور کھا لے تجھے ! 

—— 


توقیر رضا 

Tauqir Reza

تبصرے

ایک تبصرہ شائع کریں

اس بلاگ سے مقبول پوسٹس

70 نظمیں | توقیر رضا | اردو + پنجابی

  35 اردو نظمیں  — 01- زندان   کی   عُریاں   وحشت   جاگ   رہے   ہیں   بے   ہنگم   سے   خواب   کی   اینٹیں   ایک   عمارت   عُریانی   کی   جس   کی   دیواروں   کے   اوپر دو   جسموں   کے   ننگے   سایے   بھاگ   رہے   ہیں   قید   کہاں   تک   پھیل   چکی   ہے   نظموں   کے   زندان   میں   لوہے   جیسی   سطریں   لفظ   کا   چھلنی   چھلنی   سینہ   رنگ   اور   خون   کی   اٹکل   بازی   آنکھوں   میں   تعمیر   کا   خنجر   ننگ   دھڑنگ   جلّاد   کی   مونچھوں   ،   کالے   دانتوں   جیسی   وحشت  !  زندہ   رہنے   کی   خواہش   بھی   چاٹ   چکی   ہے   بھاگ   رہے   ہیں   دو   جسموں   کے   ننگے ...
مزید پڑھیں

101 اشعار - توقیر رضا

- توقیر رضا 101 اشعار  آٹھ ، دَس سال پرانی شاعری سے انتخاب  —- میں بہت پیار کرنے والا ہوں تم پرندوں سے پوچھ سکتی ہو  - بھاگ اور اتنا دور بھاگ کے جا  رنگ اور روشنی تیاگ کے جا  تجھ سے کس نے کہا تھا چھُو اس کو  کس نے بولا قریب آگ کے جا  - پسِ نظر کبھی پیشِ نظر ڈراتا ہے  وہ خواب آج بھی مقدور بھر ڈراتا ہے  تجھے خبر نہیں کیا شے ہے خوفِ تنہائی  ڈھلے جو شام تو خود اپنا گھر ڈراتا ہے  - میں تو ہوں ایک وہم اک سایا  کیا خبر تم کو کیا نظر آیا  - دیکھو مجھ کو یاد نہیں ہے رستوں کی تفصیل  یہیں کہیں وہ چاند ہوا تھا مٹی میں تحلیل  - راستوں کی سر کشی کے سامنے  میں اُٹھا دیوار ہونے کے لیے  - پیش اب کیا غم ہستی کی میں توجیہہ کروں  مسئلہ واضح تو ہو جب کوئی توضیح کروں  زخم دیتا ہے تو دے ، ساتھ یہ توفیق بھی دے  اپنا ہر زخم گنوں اور تری تسبیح کروں  - موت چپ ہے ، چپ خدا کی مستند آواز ہے  غور سے سن زندگی کو کتنی بدآواز ہے  میں خدا تو ہوں نہیں جو چپ رہوں ہر بات پر آدمی ہوں میرے ہونے کی سند آواز ہے...
مزید پڑھیں

پَنج پنجابی نظماں - توقیر رضا | #tauqirreza

دھدل | کویتا -  ۱ دھدل   پُھٹی واچھاں   وچو   ناساں   وچو   دھدل   پُھٹی دھدل   کنونِیاں   وچو   نکلی   دھدل   اندروں   باہروں   اٹھی   دھدل     جاگی  !  دھدل   اکھ   دی   رُچنڑی   کھا   کے   پِپلوآں   اُتے   جالے   اُنٹردی   سڑکاں   اُتے     پَیلاں   پوندی   چار   چفیرے   کِھلر   گئی   اے   دھدل   دے   ایس   گھوہ   موہ   اندر   رب   دی   شکل   پچھان   نانہہ   ہوندی دھدل   کدے   نانہہ   مُول   کھلوندی     ۔۔ دھدل   ،   دھدل  !  اُبّھے   لمّے   ،   اُتے   تھلے   ہک   جئی   دھدل   جُثے   دی   ہک   رگ   رگ   اندر   ناڑاں   اندر   ،   ناڑاں   دی   دیواراں   اندر   (  سبزے   اندر ...
مزید پڑھیں