لکھاوٹ

 ہِک نظم   ٹیکنالجی دے معجزے  — دھرتی دے ملہوٹے منہ تے تُھک کے او !  چن تے مریخ دیاں مِٹیاں چُمن جا رہے نیں  ایرے کھٹن جا رہے نیں  آون آلیاں نسلاں دے کوٹھے چاڑن جا رہے نیں   چنگی گل اے  پر دھرتی دا کیہ قصور اے  جدا سریر  راکٹاں تے جنگی جہازاں دے شراٹیاں نال  ہر ویلے کمدا رہنداے  جدی چھاتی ٹینکاں دیاں چیناں پَٹ ماری اے  جدے کَن بم دھماکیاں نیں ڈورے کر چھوڑے نیں  جس دیاں اکھاں  موٹر کاراں دے دھوئیں چ ونجاپ گئیاں  جدے پہاڑ  ! سڑکاں دی کالی ڈین کھا گئی  جدے رُکھ !  فیکٹریاں دے سامری چٹ کر گئے  ( منرل واٹر دے ناں تے )  جدے پانڑی  عمرو عیاراں دی زنبیل ڈِیک گئی  ( تے اودھر  عیسی تے مہدی دی اڈیک اچ سُتے ہوئے  مشرق تے مغرب !  جنہاں ٹیکنالجی دےمعجزے ویکھ کے  سائنس دا کلمہ پڑھ لیا اے )  —— Tauqir Reza توقیر رضا ۲۲ فروری ۲۰۲۱